✨حسبه غلط✨. ( 6 )
حسبه غلط كنت حاسبها
اقعد تاني وعيد ترتيبها
قلت هتتعب لما أسيبها
وتعيش جوا عذاب ودموع
فوق في كلامك أهدأ واوعى
مش هتشوف في عيوني الدمعه
لو فاكرني في نار أنا ولعه
يبأ أنت في نفسك مخدوع
انا جوايا بحار حنيه وقت الجد
ببأ قويه
مش حسمحلك تلعب بيا
تبأ عليا أنت الكسبان
أما صحيح في القلب
دي طيبه
طيبة قلبي دي مش عيبه
أنت ال غرقان في الخيبه
في الدنيا دي وماشي خسران
خد الدرس ومني اتعلم
لو فاكرني اتعب وأتالم
وفي بعدك أخضع وأسلم
يبأ أنت ال أكيد الغلطان. بقلم عاشقة الوطن سحر غانم
ليست هناك تعليقات:
إرسال تعليق