"اللي مكتوب على الجبين لازم تشوفه العين"

"اللي مكتوب على الجبين لازم تشوفه العين"، وقصة الفنان الشاب أحمد عبد الله محمود مع حبيبته "مها" هي السيناريو اللي مكنش حد يتخيله أبداً 📝✨.

أحمد اللي ورث من والده الفنان الراحل عبد الله محمود الموهبة والهيبة، قلبه دق وهو لسه عيل عنده 15 سنة لزميلة دراسته "مها" 🥰. كان بيستنى جرس الفسحة زي العيد عشان بس يلمحها من بعيد لبعيد، وكان بيخاف من تريقة صحابه فبيكتفي بالفرجة عليها وهو ساكت 🤫.

لما جمع شجاعته وراح يعترف لها بحبه، الصدمة كانت كبيرة ورد فعلها كان الرفض التام وكسرت بخاطره 💔. حتى لما حكى لوالده وهو في ثانوية عامة، والده قاله بلاش تستعجل واتأكد من مشاعرها، بس هي في الوقت ده كانت شايفة الموضوع بدري جداً ورافضة الفكرة.

القدر فرقهم وكل واحد راح في طريق.. "مها" اتجوزت وكملت حياتها، وأحمد دخل الوسط الفني واتجوز الفنانة السورية سارة نخلة، والجوازة دي كانت دايمًا "تريند" وبسبب المشاكل والقضايا اللي ملت الميديا، انتهت بالانفصال الرسمي بعد فترة صعبة 🔚.

الصدفة العجيبة بدأت من سنة 2004 لما أحمد سكن في "كومباوند" بأكتوبر، وبعد سنين اكتشف إنه ساكن في العمارة اللي جنب حب عمره "مها" بالظبط! 🏢 اتقابلوا وهما بيتمشوا، هي كانت مع بنتها وهو كان لسه في دوامة مشاكله، ورغم إن قلبه اتحرك بس احترم إنها ست متجوزة وفضلوا مجرد جيران 🤝.

المنعطف الحقيقي كان وهو رايح يصور مسلسل "ضرب نار".. وهو سايق على طريق الجلالة والبحر قدامه، "مها" جت في خياله كالعادة 🌊. دخل يطمن على صفحتها، لقى صور عزا وعرف إن جوزها توفى.. في اللحظة دي حس بمسؤولية كبيرة ناحيتها وناحية ولادها "أيسل وإيلا ومازن" 👨‍👩‍👧‍👦.

المشاعر القديمة رجعت أقوى من الأول، لقى نفسه بيدور على ضحكتها وبيستنى مكالماتها، وقرر إنه لازم يعوضها ويعوض نفسه عن الـ 20 سنة اللي ضاعوا 🕰️.

وبالفعل، القدر جمعهم في بيت واحد أخيراً، عشان يثبت لنا إن الحب الحقيقي ملوش تاريخ صلاحية، وإن ترتيبات ربنا دايماً أجمل وأحلى من أي تمثيلية           بقلم عاشقة الوطن سحر غانم..