كلمات: أحمد المهدي صفوت
أجمل بلاد الدنيا.. بلادي
في حضنها بتكبر أماني
على ترابها نبتت خطوتي
ومن نيلها كتبت أغاني
ناداني صوتها من بدري
قالّي: يا ابن الأرض.. تعالي
جاني النداء في عز الشدة
وقلت: روحي عشانك مش غالي
وطني ما يحتاج يسألني
يلقاني وقت ما يطلبني
واقف سند.. وراية وفا
والجدعنة دايمًا تناديني
أنا صعيدي حرّ…
أشيل الحمل.. وأشيل هم أوطاني
أصون العهد.. وأحفظ أرضي
وأمسح بدموعي أحزاني
لو مال الزمان عليّا
تِقوى في صدري ألحاني
وأغني للوطن موال
يحكي الصبر.. ويحيّي معاني
ناداني.. وقمت في ثانية
شلت الحلم فوق جبيني
جاني النداء في لحظة حق
قلت: دمي فداك.. يا عيني
أحمل سلاحي.. وقت الشدّة
لو غدر بيّا زماني
أجري على درب الرجولة
وأقول: الوطن.. عنواني
يا أرضي.. يا نور العيون
يا ضحكة طفلي وغنوتي
إن غبت لحظة عن حضنك
تفضل في قلبي هويتي
وأختم كلامي.. عهد وكلمة
بين روحي وبين أوطاني:
إن ناداني الوطن يوم
تلقاني قدامه.. تلقاني.
ليست هناك تعليقات:
إرسال تعليق