كتب المقااال 👇
بقلم ✍️احمدحمدى مستشار علاقات دبلوماسية المجلس الافريقى الدولى ورئيس اللجنة العليا المجلس الاعلى لتنظيم الاعلام
بص معايا 👀 واقرأ الكلام ده كويس جداً ...👇👇
ايوا في أهم وأعمق وأخطر👇👌🏽
" الأمان _ التفاهم _ الإحترام "
طيب سؤال ...هو انا ممكن أكون مطّمن مع حد وانا مش بحبه مثلا!!؟
- لاء طبعا إنك تحب دي نقطة أساسية بس مش محورية ومصيرية زي شعورك بالأمان ...
ليه بنسمع ان في قصص حُب قعدت اكتر من ٥ سنين وأول ما اتجوّزوا اتغيّروا ...هما حبّوا بعض ايوا لكن نسيوا إن في وازع أكبر من الحُب هو إنك تبقى متطّمن ..ايوا مفيش شعور في الدنيا يُضاهي الاطمئنان وانت في حضرة انسان بتحبه ....لو انتزع الاطمئنان ..الحب بيبقى كمشان في نفسه وبيرتجف زي البردان في عز الشتا ....
- التفاهم ..حُط تحتها مليوون خَطّ ....
انك تلاقي اللي يفهمك أهمّ من حصولك على اللي بيحبك ...
كتير مرتاحين في علاقاتهم بسبب انهم متفاهمين اكتر ما هما بيحبوا بعض ....عارفين عيوب بعض مُتقبلينها جداً بيعالجوا فيها وبيشتغلوا على نفسهم عشان يحققوا كفاءة الاستيعاب ... عندهم ده أهم من كفاءة العشق ..
- الاحترام ...ده خُلاصة الموضوع بصراحة ...هو انا ازاى اصدّق منك كلمة "بحبك " وانت بتخسف بيا الأرض كل شوية بأبشع الالفاظ وأسوأ مُعاملة ....
هاحترمك ازاى وانت بتقللّ منّي ومن نفسك ومن علاقتنا ببعض ...هاصدقك ازاى بعد ما بتثبت لي بشكل وبآخر إني حاجة حقيرة في حياتك مش شئ اعجاز كبير وحدث عظيم في نفسك وقلبك وكيانك ....
انت متخيل يعني ايه ضياع الاحترام في أي علاقة؛!!!!
ده انهيـ ـارات وشـ ـروخ في أي معنى موجود جواها ...مالوش لزوم الحب اللي منقوش بمية دهب وتحته بِركة طين وتراب وعَفَرة مالهاش نهاية. ...
وانت رايح تشاور على حد وتقول هاحبه وبحبه ومقدرش اعيش من غيره ...اسأل نفسك ٣ أسئلة ....
_ هل انا مطمّن كفاية وهو كمان متّطمن معايا .. ولا لاء ؟
_ هل حنا مُتفاهمين إلى حد كبير ولا لاء ؟
_ أنا بحترمه واقدره وهو بيحترمني جداً.. وبنحترم وجود بعض في حياة بعض ولا لاء؟؟
اركن سفينة الحُب و ركّز وانت بتحمّل أدواتك اللي هتنفعك في رحلتك فعلاً في سفينتك دي ولا في احتمال واحد إن المركب تغرق عشان بس انا بحبه وبيحبني مش اكتر وأنا مكتفي بكده وبس !!
ليست هناك تعليقات:
إرسال تعليق