كتب المقااال 👇
بقلم ✍️احمدحمدى مستشار علاقات دبلوماسية المجلس الافريقى الدولى ورئيس اللجنة العليا المجلس الاعلى لتنظيم الاعلام
لأن الست مش لازم تكون طماعة عشان تكره البخل؛ كفاية إنها تحس إن الراجل اللي المفروض يكرمها، شايف راحتها عبء عليه.
إذا ما كنتش كريم معاها، ليه تحبك يا حبيبي؟ طيب قولي ليه تحبك؟ إنت جبت الثقة دي منين إن الراجل ممكن يكون بخيل ونفسي، وفي نفس الوقت مستني حب واهتمام وتقدير من مراته؟
والكرم هنا مش معناه إنك تكون غني، ولا إنك تصرف فوق طاقتك… الكرم إنك متبخلش عليها وإنت قادر، ومتخليهاش تستجدى منك أبسط احتياجاتها.
متبقاش كريم مع أصحابك وأهلك والغرب، ولما تيجي عند مراتك تبدأ تحسب كل جنيه، وتعتبر أي حاجة بتصرفها عليها خسارة.
الست ممكن تستحمل ضيق الحال مع راجل كريم النفس، لكن صعب تحس بالأمان مع راجل مقتدر ومستخسر فيها كل حاجة.
🛑 الخلاصة:
إنت مستني مراتك تحبك وتدلعك وتحسسك إنك أهم راجل في الدنيا… طيب قولي الأول، إنت بتقدملها إيه يخليها تحس إنها أغلى ست عندك؟ ولا إنت فاكر إن مجرد وجودك في حياتها كفاية عشان تحبك؟
ليست هناك تعليقات:
إرسال تعليق