تعالوا أقولكم على شوية حاجات نقدر نتعامل بيها مع ذكرياتنا اما فجأة تغمرنا وتكون زى موجة عالية اللى بتبقى محتاجه نعوم معاها كويس ..!
اتعامل مع نفسك كأنك بتتعامل مع صديق غالي ، مفيش داعي للقسوة أو لوم النفس على حاجات فاتت ، الطبطبة على النفس في اللحظات دي هي اللي بتبني التوازن النفسى وتحسسك بالهدوء النفسى 💚
الذكريات لما بتفضل جوه الدماغ بتبقى "كبيرة قوى" لكن لما بتتحط على الورق حجمها بيصغر اكتب الذكرى زي ما هي، وبعدين اسأل نفسك "إيه الدرس اللي اتعلمته وباقي معايا؟ وكدة أنت بتفصل بين "الألم" وبين "الخبرة"💚
الذكرى مابتتغيرش، بس نظرتنا ليها ممكن تتطور، حاول تبص للذكرى كأنك بتتفرج على فيلم لشخص تاني، وشوف إيه مواطن القوة اللي خلتك تتجاوز اللحظة دي وقتها، وده بيحول الذكرى من مصدر إزعاج لمصدر فخر بقدرتك على الصمود 💚
الذكريات هتفضل جزء مننا، والهدف مش إننا نمسحها، لكن إننا نخليها "تتحط في مكانها الصح" بحيث ماتعطلش حياتنا دلوقتى وقدام💚
مدربة الحياة / شيماء محى الدين
ليست هناك تعليقات:
إرسال تعليق