للصداقه عنوان

كان في شاب بيحكي أن كان ليه اتنين اصدقاء واحد منهم كان بيزوره على طول ومعاه فكل وقت ودائما شغل وخروج مع بعض وواحد تاني مكنش بيسأل خالص عليه إلا كل حين وحين وهو كان بيقول أنه كان بيحب صاحبه اللي معاه ده اكتر لانه معاه على طول وفمره حصل ليه موقف احتاج مساعده ماديه لأمر كان ضرورى جدا طبعاً اول واحد سأله هو الشخص المقرب ليه وكان رد فعله غير متوقع تنصل منه تماما وبدأ يتهرب منه ومن مكالماته لحد ما هو فكر يكلم صاحبه التانى اللي كان بيقول عليه أنه مغرور ومتكبر بس هو احتاجه ومفيش غيره كلمه ورد عليه فورا وعرف أنه محتاجله وكان بردو رد فعله غير متوقع سأله انت فين وانا جايلك دلوقتي وراحلو فعلا ووقف معاه واتصرف وحل مشكلته وبعدها هو اعترفله وقاله انت مكنتش بتسأل عليا خالص وظنيت انك متكبر على عكس التاني كان معايا طول الوقت ولما احتجته ملقتوش رد عليه صديقه وقاله الصداقه بالمواقف الصعبه مش بكتر الظهور 

الخلاصه نختار الصديق قبل الطريق وفعلا الصداقه مواقف مش كتر مشاوير

✍️✍️✍️✍️ ساره العباني