كتب المقااال 👇
بقلمى ✍️احمد حمدى مستشار علاقات دبلوماسية المجلس الافريقى الدولى ورئيس اللجنة العليا المجلس الاعلى لتنظيم الاعلام
الرجولة مواقف، وأخلاق، ومسؤولية.
🖇️ الراجل اللي يمد إيده على مراته ويهينها... مش فاهم معنى الرجولة.
🖇️ الراجل اللي يسيب مراته وعياله من غير نفقة وهو قادر يشتغل... بيتخلى عن مسؤوليته.
🖇️ الراجل اللي يستنى حكم محكمة علشان يصرف على أولاده... نسي إنهم دمه ولحمه.
🖇️ الراجل اللي يجرح مراته بالكلام، أو يعايرها بشكلها أو جسمها... عمره ما هيكسب قلبها.
🖇️ الراجل اللي يحبس مراته، أو يمنعها من أبسط حقوقها، أو يخليها تعيش في خوف... مش بيبني بيت، ده بيهدمه.
🖇️ الراجل اللي يسيب أهله يظلموا مراته ويسكت... ظلمها قبل ما يظلم نفسه.
🖇️ الراجل اللي يتصيد الأخطاء، ويقلل من شريكة حياته، ويكسر خاطرها كل يوم... مش هيعرف يبني أسرة مستقرة.
🖇️ الراجل اللي يعيش على تعب مراته، ويخليها تصرف على البيت وهو قادر يشتغل ورافض... بيتخلى عن دوره.
🖇️ الراجل اللي يوعد بنت بالجواز ويخدعها... أو يفضح واحدة ويشوه سمعتها... دي مش شهامة ولا رجولة.
🖇️ الراجل سليط اللسان، اللي الكلمة الجارحة أسهل عنده من الكلمة الطيبة... محتاج يراجع نفسه.
🖇️ والراجل اللي يظلم أمه علشان زوجته... أو يظلم زوجته علشان أهله... برضه محتاج يعرف إن العدل هو الرجولة الحقيقية.
🤍 الراجل الجدع رزق... هو اللي يحتوي، ويسند، ويحترم، ويطبطب، ويصون، ويحافظ على بيته، ويخاف ربنا في كل اللي حواليه.
🌿 الجواز مش محتاج عضلات... الجواز محتاج راجل يعرف يعني إيه مسؤولية، ورحمة، واحترام.
ليست هناك تعليقات:
إرسال تعليق