أول ما يجيلك شعور الفضفضة… اسكت
اسكت وهتفهم ليه بعدين.
مش كل اللي بيسمعك بيحبك، ومش كل اللي بيطبطب عليك أمين على كلامك… ساعات أكبر غلطة بتعملها إنك تحكي وإنت موجوع، لأنك وقتها بتقول حاجات عمرك ما كنت هتقولها وإنت هادي.
أول ما يجيلك شعور الفضفضة اسكت… مش كل وجع لازم يتحكي، ومش كل سر لازم يطلع من صدرك علشان ترتاح، لأن في كلام بيريّحك خمس دقايق… وبعدها يفضل مقلقك سنين.
في ناس هتسمعك علشان تعرف، مش علشان تساعدك… وفي ناس هـ ـتخزن ضـ ـعفك، وتفاصيلك، وأسرارك لحد أول خـ ـلاف، وساعتها هتفهم إن الكلام اللي قلته وإنت مطمّن كان ممكن يبقى سـ ـلاح ضـ ـدك.
اسكت وهتفهم ليه بعدين… لما تكتشف إن مشاكل كتير اتحلت لوحدها، وإن الشخص اللي كنت هتحكيله ماكانش يستاهل يعرف أصلًا، وإن أأمن مكان لبعض أسرارك كان جواك.
مش بقولك اكتم لحد ما تتعب… لكن اختار كويس جدًا مين يستحق يسمعك، وإيه أصلًا يستحق يتحكي.
افتكرها: مش كل فضفضة راحة… ساعات السكوت هو اللي بينقذك.
بقلم عاشقة الوطن سحر غانم
ليست هناك تعليقات:
إرسال تعليق