الشغف

السلام عليكم 

موضوع اليوم عن الشغف 

موضوعنا بمناسبة بداية العام الدراسي الجديد 

يعني ايه يكون عندي شغف حبايب قلبي 

يعني اكون اد المسؤولية وعارف اللي ليه واللي عليه 

يعني عارف اني في شهادة أو مرحلة جديدة سنة جديدة مطلوب فيها اركز كويس مطلوب احس اني طالب وطالبة الكل يبص له بنظرة احترام وأنه انسان يعتمد عليه وابقي عارف كويس أن علي اد التعب هيكون المحصلة والنتيجة وكل مكتوب عند ربنا 

بسال من حبايب قلبي وهما عارفني كويس ويقولوا لي يا ميس 

ازاي اعلي الشغف عندي انا زي زي اي انسان بمل وأوقات بحس بياس واني ندمت اني اخترت التخصص ده ببقي مش عارف اعمل ايه لا انت مغلطش والله انت اخترت صح عشان كده انا قولت تخلي الطاقة عندناا معقولة مديش اوي عشان مجيش في النص امل ودائما خلي عندكم هدف اسعي إليه لازم اصل واحقق المرجو مني في هذه السنة ايا كانت ايه وخاصة لو سنة مصيرية 

بها هيتحدد مستقبلي وحياتي كلها .

أقسم يومي مابين المذاكرة والدروس وبين الترفيه اليومي بتاعي 

محدش يقنعني أنه ال٢٤ ساعة هيذاكر مين يستحمل كده .

ولازم كمان جدول مذاكرة عشان الدنيا تكون واضحة ومرتبة 

وطبعا ادواتكم الجميلة زي الأقلام الكشاكيل المبهجة الالوان الفسفورية.واستيكرات  حاجات كتير تفتح نفسكم حبايبي 

وطبعا مش هننسي أن ربنا في المقام الأول هو خير مرشد ودليل 

طول ما علاقتي بربنا كويسة طول ما انا بخير وفي الطريق الصح .

وفي طرق كتير للمذاكرة طبعا تساعدنا علي المذاكرة خليها المرة الجاية هتكلم عنها باستفاضة عايزة بس منكم تحضير اداوتكم 

وعزيمتك وارادتك قبلهم .وسبب الباقي علي ربنا .

وافتكر أن كان زمان قبلك وعدت وغيره وغيره ودلوقتي جه دوركم اللي باذن الله هيكون دور مشرف هيكلل تعبكم أن شاء الله ...أتركم والقاكم  قريب جدا. طرق المذاكرة الصحيحة لطالب مجتهد ومتفوق باذن الله     

M.F