إحنا مش كاملين، ومش بنحاول نبان كده…
عندنا عيوب، وعملنا غلطات، وخدنا قرارات ندمنا عليها، وثقنا في ناس ماكانوش يستاهلوا الثقة.
بس الفرق إننا مش بنخبي ده.
لأن كل غلطة عدّت علينا، وكل موقف وجعنا، وكل شخص خذلنا… ساب جوانا درس، وخلانا نفهم الدنيا والناس ونفهم نفسنا أكتر.
إحنا مش بنفتخر بالغلط نفسه، إحنا بنفتخر إننا عرفنا نقوم بعده.
بنفتخر إن اللي كسرنا زمان، بقينا أقوى منه النهارده.
وإن الشخص اللي كنا عليه امبارح، مش هو نفس الشخص اللي واقف النهارده.
فما تحكمش على حد من عيوبه، ولا تختصر إنسان في غلطة عملها…
يمكن الغلطة دي هي اللي صنعت منه الإنسان اللي قدامك دلوقتي.
عيوبنا جزء من حكايتنا، وغلطاتنا صفحات في كتاب حياتنا… ومش هنخجل منها، لأن من غيرها ماكناش هنبقى إحنا.
بقلم / محمد جلال
ليست هناك تعليقات:
إرسال تعليق