اهلا بكم في اولي موضوعاتنا

عزيزي المتابع 

عزيزتي المتابعة 

اهلا بكم في اولي موضوعاتنا 

في الحقيقة أنا احترت ابدا معاكم من اي موضوع كثير كلمني وطرح موضوعات متفرقة وطبعا كلها علي راسي ومهمة 

بس حبيت الأول أن أبدأ بموضوع مهم للغاية وتقريبا مهم لكل شخص فينا 

مين فينا محلمش لبكرة .مين فينا مبناش احلام واتمني تتحقق 

مين مين مين اكيد كلنا وكلها احلام مشروعة 

فلو انت طالب او طالبة. فهيكون  حلمك النجاح والتفوق والعبور لبر أمان لتحقيق الهدف المرجو وهو الالتحاق بالجامعة اللي منها هيتحقق حلمك وتحقق نجاح في مستقبلك المهني والعلمي والاجتماعي .

أما لو حضرتك عديت المرحلة دي فهيكون الهدف المرجو هو اختيار الوظيفة والبحث عنها طيب سيادتك ربنا كرمك بالوظيفة

المرحلة اللي بعدها هو البحث عن شريك الحياة وانا هنا بتكلم عن 

الرجل والمرأة كلاهما لهما نفس الحلم وتحقيق الأهداف من غير اي عنصرية أو انحياز .

يعني من الاخر كده كل مرحلة في حياتنا محتاجة هدف نسعي له 

وإرادة وقوة وطبعا قبلهم اليقين بالله أنه معانا في كل خطوات حياتنا .

بس حضرتك وحضريتك الكلام جميل بس التنفيذ لابد أن يكون واقعي تمام كده طيب عشان احققه مطلوب منك ايه غير إرادتك وعزيمتك واصرارك طبعا السلاح الذي لابد أن يكون معك هو رفيق أو داعم أو ......

إذن الدعم مهم جدا لانه به يجعلك تصل أو تقف مكانك .

الشخص الداعم في نظري اهم حاجة ممكن ربنا ينعم بها علي انسان سواء كان الشخص الداعم لك او الداعم للآخر.

بكده هيكون موضوعنا الشخصية الداعمة وتاثيرها علي الفرد 

الشخصية الداعمة....

انا هكلمك بما انك متابع لي فاحب اقول لك اياك إياك أن تستسلم انا هكلم حضرتك وهعتبر نفسي الشخصية الداعمة. لكم رفاقي واحبابي ومتابعي صفحتي اللي اتشرفت بحضورهم واراءهم بين سطور كلماتي وغيرهم الذين لهم مكانة كبيرة عندي وحابين رايي 

ودائما في تواصل مستمر من خلال الجلسات المبنية علي الثقة طبعا اولا واخيرا وده جزء من دوري كاخصاءي نفسي 

صديقة قريبة مني  قالت لي من فضلك انا تائهة وعايزة حد يكون دليلي اوقات كتير مش عارفة اعمل ايه رغم أن كل السبل امامي بس دايما بحس اني لوحدي .

من هنا هقول لكم حتي لو اضطرتك الظروف انك تكون وحدك رغم ما حولك  من أناس ومجتمع لكن من انت  انت اكثر من يكون دافع لنفسه ويبني الثقة الكاملة ويكون علي يقين أنه هيصل الي ما يصبو له .

والداعم في ذلك الحين هو الله لأنه ابدا لن يخذلك لانه ادري بك وبامكاناتك وسيقف جانبك لانه يعلم نواياك وعلي نياتكم ترزقون .

ازاي اكون داعم لنفسي .لازم اسال نفسي من وقت لآخر انا وصلت لايه.وبفكر لايه وهدفي ايه .

لو انت طالب فأكيد عارف هدفك وستصل له بارادتك وعزيمتك 

لو انت باحث عن عمل هتوصل مهما كانت الظروف هتوصل

بجد مش بحب الشخص اللي دايما شايف الدنيا من اضيق ما يكون  بيشوف أن فرص العمل جت جت مجتش انا كده عملت اللي عليه ونصيبي كده .لا حضرتك مش كده والله 

ده العمل الجاد موجود بالتخصص موجود والله لم يتوفر ادور انا علي فرص أخري فرص من خلالها اصل لهدفي 

لا تجعل الظروف هي اللي تقودك انت قائد السفينة مش الدنيا هي اللي تمشيك انا بكلمك وبكلمك لاني زيي زيك اكيد من فينا محلمش وجرب وفكر وعاش الواقع وقرر حياته مثل ما يريد ثم غيرمنها الافضل مهما كانت الظروف .انا واستعيذ بالله من الكلمة 

اللي اصنع الشيء واغيره عملت ايا كان العمل وكانت المحصلة

بالعامي كده مش جايب همه ادور علي غيره بجانب عملي اللي ربنا كتبه لي أشغل وقتي اصل لو انا لم اعمل الان وابني نفسي من ممكن يعمل ده ده دورك انت .

انت صانع نفسك مش حد تاني والله 

انا تكون أو لاتكون وده عشان يحصل لازم هدف هدف يحرك الإرادة الكامنة بداخلك عزيزي وعزيزتي الطموح والطموحة

الجاد  طبعا في مليون طريقة ابني بها نفسي لكن لابد من الداعم 

بعد الله ونفسك ومن حولك وانا اريد ان اهم شخص ممكن يكون داعم لك هو أقرب شخص لك سواء صديق  أو أم او زوج اوزوجة اي كان مكانته بالنسبة لك 

فهناك أشخاص في حياتنا يكونوا بمثابة المحرك لناا في حياتنا 

مجرد حضورهم في حياتك وجودهم فقط هو الداعم لك حبهم لك يدفعهم لذلك احتواءهم لك يجبرك علي الانجاز .

فاختار الشخص الداعم تحقق أهدافك وطموحاتك باذن الله .

اعتذر لو اطلت عليكم في اولي الموضوعات ولكن هذا من حبي ودعمي  لكم واتمني مع الوقت اكون ولو داعم صغير في حياتكم 

واتمني من الله عز جل أن ينعم عليكم بالرضا والتوفيق والسداد اللهم امين 

استودعكم الله الي  أن نلتقي 

بقلم الكاتبة 

مروة فوزي