في حاجة غلط بتحصل.. وبقت واضحة للكل.
إحنا بقينا في زمن *اللي يمشي عدل يتعب، واللي يمشي غلط يرتاح*. شاب عنده 18 سنة ⚠️ يعمل مصايب، يصورها، ينشرها، والدنيا تتفرج.. وفي الآخر "إخلاء سبيل" 🚔. لا أب طلع قال "بنتي"، ولا مجتمع حاسب، ولا حد خاف على بنات الناس. *الحرام بقى دمه خفيف.*
*تعالى بقى للراجل المحترم:*
واحد قرر يفتح بيت بالحلال 💍. اشتغل، اتغرب، حوش، دفع مهر 💰، وضب شقة 🏠، فرش عفش 🪑، وشال هم أسرة 👨👩👧👦. قال يبني حياة مستقرة 🌿 زي ما ربنا أمره.
النتيجة؟
*دخل محكمة الأسرة، وماخرجش.*
بقى بيدفع:
- ثمن "أه" اتجوزت 💍
- ثمن "لأ" اختلفنا 💔
- ثمن "عايز أشوف عيالي" ⏳
- وثمن إنه يثبت إنه لسه "أب" 👶 بعد كل ده
*الراجل اللي عمل كل حاجة صح.. بقى هو المتهم الوحيد في المعادلة ⚖️.*
النهاردة الشباب مش خايف من المسؤولية. الشباب خايف من *الكمين القانوني* اللي مستنيه بعد كتب الكتاب 💔. خايف إن شقى عمره وحياته كلها تروح في ورقة، وإن ابنه يبقى بيتفرج عليه من ورا إزاز.
*والأعجب من كده:*
بنات بتقف مع أزواجها في قضايا مخلة وتقول "جوزي وأنا حرة" حتى وهو في السجن 🚔..
بس نفس الست دي لو سمعت إن جوزها هيفكر في "شرع ربنا" ويتجوز تاني 💍، الدنيا بتتقلب محاكم وجرايد وفضايح ⚖️🔥.
*أنا مش بقول ناخد حق الست ولا الطفل 👶*.
أنا بقول *البيت له 3 أركان.. لو ركن وقع، البيت كله بيقع 👨👩👧👦*. والعدل مش إنك تكسر ركن عشان ترضي ركن تاني.
🚨 *نسأل بالعقل:*
عايزين الشباب تتجوز 💍.. *طب ليه خليتوا الجواز أخطر من الطلاق؟* 💔
القوانين دي معمولة تحمي الأسرة ⚖️.. *طب ليه الشاب شايف إن عقد الجواز هو أخطر ورقة هيمضيها في حياته؟* 💍 أخطر من المخدرات وأخطر من السلاح 🚫.
*المشكلة مش في عيالنا.. المشكلة في الورق اللي بنمضيه.*
قبل ما العزوف يبقى كارثة قومية، وقبل ما نلاقي بلد من غير أسر.. *راجعوا القوانين دي ⚖️*.
*الحلال مش جريمة.. كفاية تعاقبوا اللي اختاره.*
#تعديلات_قانون_الاحوال_الشخصية
#انقذوا_الاسرة_المصرية 🇪🇬 بقلم المستشارة...ايمان رجب
ليست هناك تعليقات:
إرسال تعليق