هو انت متخيل انك حاتعمل انت والفرفوشه ست الحسن والجمال هذا الموقف وان الشخص ده مش حايعمل حاجه تبقي فعلا قرني
سبوبة "الزوج القرني" والست الفرفوشة: فخ إنستاباي في المرج
متابعة ورصد بقلمى ✍️احمد حمدى مستشار علاقات دبلوماسية المجلس العربى الافريقى الدولى ورئيس اللجنة العليا للصحافة والاعلام
الحكاية بدأت بشاب قرر يجرب حظه على السوشيال ميديا، فشبكت معاه ست فضلت "تجر رجل" الباشا بكلام معسول لحد ما أقنعته يزورها في شقتها بالمرج الجديدة. الباشا صدق وراح طيران، وأول ما دخل الشقة، وبدل ما يلاقي العشا رومانتيك، لقى المفاجأة الكبرى: "الزوج القرني" كان مستنيه جوه بالصاجات والمطواة!
السيناريو المتفق عليه بين الزوج المحترم ومراته المصونة اشتغل فوراً؛ ثبتوا الزبون بسلاح أبيض، وتحت الرعب والتهديد، مخليهوش يطلع محفظة الجلد، لأ.. واكبوا التكنولوجيا وقالو له "افتحلي إنستاباي يا روح أمك" وحولوا من حسابه 265 ألف جنيه حتة واحدة على محفظتهم الإلكترونية.
نهاية سريعة خلف القضبان
الزبون خرج من الشقة على الحساب المفتوح، ونشر استغاثة على السوشيال ميديا أجهزة الأمن لمحت البوست، وفي ساعات قليلة، حددت مكان "الزوج والزوجة" وقبضت عليهم الشرطة ضبطت معاهم الموبايل اللي استقبل الفلوس والمطواة المستخدمة، والاتنين اعترفوا بالسبوبة وداخلين النيابة حالياً.
تحذير وتفتيح دماغ بلاش مشي عوج
أساليب النصب اتطورت، وفيه نماذج قذرة مستعدة تشغل "العرض" عشان تقلب القرشين السيناريو ده بيتكرر كتير زوج منعدم الشرف يسيب مراته تستدرج المغفل، ويحددوا وقت معين يدخل فيه يعمل "الكبسة" والشرير اللي معاه عشان يثبتوا الزبون وياخدوا شقا عمره في دقيقتين.
نصيحة على بلاطة بلاش ثقة عمياء في شاشات الموبايل، وبلاش تودي نفسك لأماكن مقفولة ومجهولة مع حد ما تعرفوش عشان "تتبسط".
امشي عدل يحتار عدوك فيك لو مشيت صح، مفيش حد هيعرف يبتزك ولا يستدرجك، وفلوسك في جيبك وفي أمان خلو بالكم عشان المغفلين وبتوع الشمال بيموتوا ناقصين عمر.. وفلوس!وكمان بيتفضحوا دنيا وأخرة
ليست هناك تعليقات:
إرسال تعليق