1️⃣ أولًا: ماضيكي.
اللي فات خلص واتقفل بابه، وطول ما ربنا ساتر عليكي ما تفتحيش الدفاتر بإيدك. البشر مش كلهم بيسامحوا، وفي لحظة خلاف ممكن يستخدموا كلامك ضدك. ماضيكي بينك وبين ربنا… مش مادة تحقيق.
2️⃣ ثانيًا: مشاكل أهلك.
أهلك سندك واسمك وضهرك. لما تكسري صورتهم قدامه، إنتِ من غير ما تاخدي بالك بتضعفي نفسك. العلاقة مش معناها إنك تعرّي جراح بيتك، في فرق بين صراحة ناضجة وبين كشف أوراق يكسرك.
3️⃣ ثالثًا: التقليل من نفسك.
ما تقوليش “أنا مش حلوة”… “أنا جسمي مش عاجبني”… “أنا أقل من غيري”. ليه تفتحي عينه على حاجات هو مش شايفها؟ الراجل بيتعامل معاكي على قد ما إنتِ شايفة نفسك. لو شايفة نفسك قيمة… هتبقي قيمة.
🛑 افتكري دايمًا:
اللي يحبك بجد هيحبك كاملة… مش مستني منك تعترفي بعيوب عشان يلاحظها.
ارفعي راسك… واحتفظي بقيمتك…
لأن الست اللي بتحترم نفسها… محدش يقدر يقلل منها
بقلم عاشقة الوطن سحر غانم...
ليست هناك تعليقات:
إرسال تعليق