راحت فين أيامنا الحلوة
واللا الضحكة وقلب برئ
راحت فين أفكارنا السمحة
ويا ضفاير بالتنطيط
كنا زمان نصحي من النجمة
تجري أوام من غير تزعيق
ناخد دعوة وضحكة قوية
ويا الشنطة وكتف بسيط
تجري أوام ونسابق غنوة
لأجل بلدنا تصير بالعيد
نسمع حصة عربي وفايدة
م الكلمات أو حتي نشيد
كنا الجيل اللي ما يستني
والاحساس عمره ما بيخيب
لما نحيي علمنا بقوة
كل قلوبنا تقول وتعيد
راحت فين الضحكة الصافية
والا العابنا ورق قصاقيص
نكتب مرة ومرة نلون
ونسابق من فينا يعيد
فين لمتنا وللا آمالنا
لما بنجري في يوم العيد
نلعب شد الحبل بقوة
أو بنرص بلاط ونصيب
كنا بنسعد بعض ب شوفنا
في البلكونة. فرحنا اكيد
حتي عيدية عيدنا بريزة
أو شلنات زمن الترفيه
كنا نسلم علي أجدادنا
والشعلقة في أيديهم طيب
كنا بنرسم أحلي معاني
والذكري محفورة أكيد
راحت فين ضمايرنا الصافية
وراح وياه زمن التبسيط
ياه يا زمان لو ترجع مرة
را ح امسك فيك بالتأكيد
وانسي الزمن الغابر مرة
وارسم واحلم عمري برئ
وارسم واحلم عمري برئ بقلم عاشقة الوطن سحر غانم
ليست هناك تعليقات:
إرسال تعليق