جرب تضحك وقت عياطك
جرب تشرب قهوة فى كاس
حط مرايا بسرعة قصادك
واسكت واسمع الانفاس
وابدا اشرب كده فى القهوة
واعمل فيها انك سكران
واعمل فيها انك بتخرف
وانك وحدك بتكون فرحان
وان حياتك ماشية كويس
وقلبك منك لسه سليم
وان الدنيا ذكرت اسمك
وعملت ليك اكبر تكريم
وان الفوبيا راحت منك
تنزل بحر تكون عويم
وان حبيبتك رجعت تانى
وبقيت رتبة وليك تعظيم
بس القهوة خلاص كده خلصت
ارجع تانى وعيش فى الواقع
عيش انسان من غير تقييم. بقلم عاشقة الوطن سحر غانم
ليست هناك تعليقات:
إرسال تعليق