بسنت سليمان ضحية لنشأتها

امل صالح سليم 

اخصائية نفسية وادمان

اخصائية تربية خاصة

بسنت بنت مصرية زى اى بنت كانت بتحلم بالاستقرار والعوض لليتم اللى عاشته فى غياب الاب

بسنت كانت بنت لام ربت بنتها على بر الوالدين وتلبية اوامرهم وطلبتهم 

وحاضر ونعم واحترام الكبير

نبدا حكايتنا اللى موتت بسنت من اكثر من عشر سنين  وجعلتها عايشة اكلينيكى بمساعدة محفزات ضعيفة ما قدرتش تحيا ليها نفسها من تانى

فى يوم من الايام طلبت الام من بنتها الشابة الجميلة الخلوقة انها تحضر نفسها للقاء اسرة اختارتها لابنها  حتى تصبح زوجة ليه 

وقالت الام لبسنت انها نفسها تشوفه فى بيت الزوجية حتى  تشعر بالطمئنينة وانها وصلتها لراجل يصونها لو جرالها حاجة 

وبالفعل تم الزواج

ومن هنا   بدات نهاية بسنت

اتضح ان بسنت تزوجت من زوج  تابع لاب وام مرضى نفسين 

فى مقولة بتقول ان من يذهب للمستشفيات النفسية ليسوا هم مرضى نفسين ولكن هم ضحاياهم

ام زوج كانت تتدخل فى ادق تفاصيل حياة بسنت 

لدرجة ان بسنت كانت تصحى من النوم تلاقى ام الزوج بتشم فيها

وابو الزوج  كان يقتحم عليها البيت بالقوة  بمساعدة حراس المكان ويقتحم غرفتها

والزوج مسافر 

طلبت بسنت السفر مع زوجها  وبالفعل سافرت وخلفت بنتين 

وكان فى عنف للبنات الصغار من قبل ابوهم

ولما كانت بسنت بتتكلم كانت بتعنف حاولت بسنت تكون زوجة مطيعة تعين زوجها  

وبالفعل نست جروحها ووقفت بجانب زوجها فى الغربة حتى اصبح فى اعلى المراتب العلمية ولكن للاسف كان فى ادنى المراتب الاخلافية فى المقابل

ضرب واهانة  ومعاملة سيئة

نزلت بسنت وطلبت الطلاق بادب ولكن زوجها حب يطلع كل مرضه عليها فقام بذلها ومنع عنها المصروف هى والبنات اللى هما بناته وقطع الاتصال ومش عارفة توصل له

راحت لابوه ابوه رفض يسمع لها وكان هياخد اللبنات

وبعد صراح طويل  رفعت خلع واطلقت

💫💫نظرة المجتمع

ومن مرض لمرض ولكن كان الميكروب اقوى 

حطموها ولاموها وطلعوا ماليس فيها

حاولت تدور على حد تتكلم معاه لكن للاسف ما كانش فيه

واخير استسلمت وفازت نفسها عليها مع ضعفها وقوة حيلتها وعدم وجود من يساعدها ويدعمها

لو بسنت كانت بنت اتربت بتربية بعيدة عن القيم والاخلاق كانت عرفت تتعامل مع هؤلاء المرضى وعرفت ازى توقفهم ويعملوا ليها حساب

بسنت لو كانت بنت متربية على اسلوب الرد وازاى تعرف تاخد حقها كانت هتوقفهم عند حدهم  وكانت هتطلع الطاقة والالم اللى اتكتموا جواها

بسنت ما انتحرتش بسنت نفذت طلب اللى حواليها ومن كتر الضغط نست عقلها 

قلة حيرتها وكثرة تفكرها وصلها ان الحل الوحيد علشان عيالها يعيشوا صح علشان لو هى ماتت وجوزها اخد الشقة هياخد البنات ويربيهم وصرف عليهم

صرخة بسنت وهى بتقع لازم تكون صحوة للمجتمع والمسئولين ضد العنف 

لازم قوانين تحكم ان الزوجة من حقها الخصوصية وتعيش باحترام واهل الزوج ما يدخلوش خالص فى حياتهم الا بالرضا بينهم وليس بالعنف والتقليل من قيمة الزوجة

الزوجة ليست ارض للنسل والخدمة فقط

الجرائم كثرة حولنا  ومازال العدد يكثر ويكثر طول ما مفيش حساب

الطلاق زاد والادمان زاد 

لو عملنا حصر هنلاقى ان معظم الجرائم ماهى الا انتاج لعنف اسرى