اجتماع مهم....
صاحب البيت أدرى باللي فيه، والنهاردة الرئيس السيسي قعد قعدة "مكاشفة وحسابات" مع الدكتور مصطفى مدبولي وأحمد كوجك وزير المالية. الاجتماع ده مكنش مجرد أرقام على ورق، ده كان فيه قرارات بتمس جيب المواطن ومستقبل البلد.
المتحدث الرسمي السفير محمد الشناوي كشف إن الاجتماع شهد عرض مقترحات لـ "زيادة الأجور".
يعني الحكومة بتفكر فعلياً إزاي تخفف الحمل عن الناس في ظل الظروف دي، وده الخبر اللي الكل كان مستنيه يخرج من أوضة الاجتماعات.
الرئيس شدد على نقطة مهمة جداً وهي "خناق الديون"؛ إزاي نقلل فاتورة الدين ونرشد المصاريف الحكومية عشان الفلوس تروح لمكانها الصح. والحل؟ إننا نفتح الباب على بحري للقطاع الخاص، ونشجع التصدير ونزود الإنتاجية.. يعني "نصنع ونبيع للعالم" عشان اقتصادنا يقف على رجله بجد.
السيسي أكد إن الإصلاح مش مجرد كلمة، ده نظام لازم يطبق بـ "حوكمة وسيطرة" على الإنفاق، وفي نفس الوقت نفتح قنوات اتصال مع المستثمرين في كل حتة في العالم.
الهدف إننا نقول للعالم: "مصر أرض بكر للاستثمار وآمنة رغم كل اللي بيحصل حوالينا في المنطقة".
الدولة بتحاول توازن بين "تخفيف الشيلة" عن المواطن بالزيادات، وبين "تأمين المستقبل" بإنها تقوي الاقتصاد وتجذب فلوس جديدة من بره. الطريق محتاج شغل، والاجتماع ده حط "الرجل على أول السكة"... محرر صحفى (رشا على احمد)
ليست هناك تعليقات:
إرسال تعليق