فرق كبير بين امرأه تتحمل لانها تحبك، وامرأه وصلت لمرحلة إنها ترى انه لايوجد أي أمل فى الحياه الزوجيه

📌كتب المقااال 👇

بقلم ✍️احمدحمدى مستشار علاقات دبلوماسية المجلس الافريقى الدولى ومدير علاقات عامة رئاسة مجلس الوزراء 

أكبر غلطة ممكن راجل يعملها إنه يفتكر إن الست اللي سامحته مرة واتنين وعشرة، هتفضل موجودة مهما عمل فيها

… لأن في فرق كبير بين ست بتستحمل عشان بتحبك، وست وصلت لمرحلة إنها مبقتش شايفة أي أمل فيك.

مفيش ست لقت الخير في راجل وقررت تسيبه… الست بتمشي من حياة الراجل لما تتأكد إنه عمره ما هيتغير، وساعتها بتنفض إيديها منه للأبد.

الست ممكن تستحمل ظروفك، وضيق حالك، وأيامك الصعبة، وتبدأ معاك من الصفر… لكن صعب تفضل تستحمل الإهـ انة والتجـ اهل وكـ سر الخاطر، خصوصًا لما كل مرة توعدها بالتغيير وترجع لنفس التصرفات.

في الأول بتعاتبك، وبعدها بتديك فرص، وبعدها بتسكت، لحد ما ييجي يوم تكتشف إن استمرارها معاك بقى على حساب كرامتها وراحتها النفسية.

وساعتها ممكن تكون لسه بتحبك… لكن خلاص مبقتش عاوزاك.

🛑 الخلاصة:

متفتكرش إن الست اللي مشيت كانت مستنية غلطة عشان تسيبك… يمكن كانت مستنية منك موقف واحد يطمنها إنها صح لما اختارتك، لكنك فضلت تديها ألف سبب يخليها تندم… لحد ما بقى رحيلها أهون عليها من إنها تفضل مستنياك تتغير.