كلنا فقراء إلى الله وكل شيء بتملكه في الدنيا
ممكن تخسره في أي لحظة
الغني بجد هو الإنسان اللي علاقته بربنا كويسة
وعنده أخلاق وقيم ومبادئ.. الإنسان الطيب، الكريم، الأصيل،
اللي ربنا أنعم عليه بالصحة وراحة البال.
أما غني الفلوس؟ ده أدنى أنواع الرزق
لأن كل غني فيه اللي أغنى منه..
وعلى فكرة كل ما هيكون دخلك أكبر كل ما هيكون عندك
التزامات أكتر وحياتك أصعب
فيه اللي مشكلته تتحل بـ 100 جنيه
وفيه اللي بـ 1000
وفيه اللي مزنوق في مليون
ده حتي رجال أعمال بيتسجنوا بسبب الديون
باختصار كل ما فلوسك هتزيد همومك هتزيد
اسعى دايماً إنك تطور من حياتك
بس في نفس الوقت ارضي وإوعى تقارن نفسك بحد..
حقيقي المناظر كدابة وخداعة
ومحدش بيشوف الصورة كامله أبداً
عيش بهدوء و ريح بالك واحمد ربنا على كل حال
و اعلم جيدأ ان كل ما هتكون صافي النية
وبتحب الخير لغيرك.. هيجيلك
وكل ما هيكون عندك يقين إن ربنا بيحبك ومعاك وحاسس
بيك، كل ما هتشوف الخير في حياتك
ارضي وقول دائماً الحمد لله و افتكر ان الآخره خير و ابقي 🤍
بقلم عاشقة الوطن...سحر غانم
ليست هناك تعليقات:
إرسال تعليق