حكاوى الصعيد الجوانى
حكايه حكاها... وجدانى
حكاها للوش ....الاسمر
حكاها للزرع ..الاخضر
حكاها للورد...... مزهر
حكاها حكاوى واغانى
حكاوى الصعيد الجوانى
.....
حكايه حكتها مع جدي
مرسومه فى خطوط يدى
كتبتها شعر على قدى
عن بلدى اللى... وحشانى
ولسه ياروحى بتروحى
تزورى الذكري وتنوحى
على ارضى على روحى
وتقولى..متى اعود تانى
امتى احكيها من تانى
حكاوى الصعيد الجوانى
حكاية من سحر غانم
مصرية وست الهوانم
بتحلم ..وحلمها هايم
تملي تجبر خواطر
حكاوي الصعيد الجوانى
ع عزف اجمل اغانى
حكاية أهلى..وجدودي
ووطني ونيلي وحدودي
واغني بصوتي ع عودي
لبلدي اجمل اغانى
حكاوي الصعيد الجواني..
بقلم عاشقة الوطن ..سحر غانم
ليست هناك تعليقات:
إرسال تعليق